Со подготовката за Далечински услуги плус[1], добивате можност да постигнете уште подобро и пофлексибилно користење на вашето возило. Бидејќи можете да користите широк обем дигитални опции што прават вашиот секојдневен живот со возилото да биде поудобен, поедноставен за планирање и со тоа поефикасен.[2]

Не сакате да губите време во застој – и сакате да појдете по најдобрата рута за да пристигнете колку може побрзо. Подготовката за сообраќајни информации во живо[1] ви нуди технички услови за прием на најнова и прецизна сообраќајна информација, за оптимално динамично водење по рутата и прецизно пресметано време на пристигнување.[2]

Со системот за безжично полнење за мобилни уреди, додека возите може едноставно да го полните вашиот паметен телефон што се полни по пат на индукција, во преградата за чување во средишната конзола: без кабли, приклучоци или држачи – без оглед на моделот и на марката. Додека возите, вашиот паметен телефон повторно заживува.[1]

Со MBUX (Mercedes-Benz User Experience), добивате интелигентен мултимедијален систем што се проширува. Разните интерфејси, екранот на допир со висока резолуција и дисплејот со инструменти нудат многубројни функции за комуникација и инфо-забава.

Заштедете време со помош на навигацијата на Mercedes-Benz со приспособлив внес преку контрола на допир или гласовни команди. Овој интелигентен систем ве води до вашето одредиште сигурно користејќи и локални и свежи онлајн информации.[1][2]

Доживејте ја паметната поддршка од современи системи за асистенција [1] што се надополнуваат. Комбинацијата од пет системи ви помага да ги приспособите брзината, управувањето и одржувањето растојание според ситуацијата. Тоа може да ги заштити патниците и другите корисници на патот – и можете порелаксирано и поудобно да пристигнете на вашето одредиште.[2]

Активната асистенција за одржување во лента[1]го надгледува просторот пред вашето возило и може да ве спречи ненамерно да ја напуштите својата лента. Системот може да ве врати во вашата лента преку зафат во управувањето за враќање во лента и дополнително може да ве предупреди во вид вибрации на воланот.

Поедноставно следете ги важечките брзински ограничувања. Асистентот [1] може да ја прочита највисоката дозволена брзина од сообраќајните знаци, преку камера и од податоците од навигацијата, и нив да ги пренесе до инструментите. Доколку го надминете брзинското ограничување, тоа може да ве предупреди со видливи и чујни знаци.[2]

Активната асистенција за сопирање[1]може да ви помогне да избегнете незгода со други корисници на патот во разни ситуации или да ги смали последиците од незгода. Тоа вклучува, меѓу другите нешта, корисници на патот што возат пред вас, што се запрени, преминуваат или свртуваат, како и сообраќај отспротива во текот на престигнувањето.

Асистенцијата за мртов агол[1] со предупредување за попречен сообраќај назад може да вклучи визуелни и звучни предупредувања за да помогне во спречување незгода при престројување или при возење наназад. Доколку асистенцијата за мртов агол препознае возило во мртвиот агол, таа прикажува предупредување со црвен триаголник во соодветниот надворешен ретровизор.

Асистенцијата за сообраќајни знаци[1]може да му помогне на возачот со постојано прикажување на сите препознаени брзински ограничувања, знаци за „забранет пристап“ и ограничувања за „забрането престигнување“, како и за нивниот престанок, во дисплејот со инструменти и на мултимедијалниот дисплеј. Тоа помага особено при патување кога често се менуваат брзинските ограничувања, на пример при поправки на патот.[2]

Активниот асистент за растојание DISTRONIC[1], кој е заснован на радар, автоматски го одржува поставеното растојание од возилата напред, растоварувајќи ве од стрес на автопат или во тргни-запри сообраќај.[2]

Системот ATTENTION ASSIST може да помогне во спречување мала дремка и на тој начин ви нуди зголемена безбедност, особено при возење ноќе или на долг пат. Системот ви нуди визуелно и звучно предупредување кога ќе препознае вообичаени знаци за сонливост или недостиг на внимание и препорачува да се направи починка. [1]

THERMOTRONIC автоматскиот клима-уред ја подобрува удобната клима во вашето возило и прави да се чувствувате поодморено, особено при возење при високи надворешни температури. Тој автоматски ги контролира температурата, протокот на воздух и распределувањето на воздухот во две зони на климатизација, за возачот и предниот сопатник да се чувствуваат еднакво удобно во своите различни климатски зони.[1]

Полуавтоматскиот систем за климатизација на воздух назад TEMPMATIC ги угодува вашите патници со пријатна климатска удобност. Температурата, обемот на воздух и распределбата на воздух се контролираат целосно автоматски во режимот за греење и ладење. Отворите за воздух се поставени од левата и од десната страна во таванот.[1]

Го олеснува паркирањето и маневрирањето. Задната камера овозможува просторот веднаш зад возилото да биде видлив и може да ви помогне полесно да ги препознаете пречките. Динамичките линии за водење и звучните знаци на Активниот асистент за паркирање исто така ви помагаат посигурно да маневрирате во и од места за паркирање.

Пакетот за паркирање со камера во 360° и Активниот асистент за паркирање ви олеснуваат да најдете место за паркирање, како и да се паркирате и да излезете. 3D сеопфатниот поглед овозможува целиот простор околу возилото да биде видлив, исто и од птичја перспектива и под линијата на прозорците.[1]

Задниот прозорец што се отвора посебно може да се отвори и да се затвори рачно, независно од задниот капак. Тоа значително го олеснува пристапот до товарниот простор, особено кога паркингот е тесен.[1]

Пакетот ретровизори со внатрешен ретровизор што се затемнува автоматски и со надворешни ретровизори што се собираат автоматски, како и амбиенталното осветлување, може да ја зголемат удобноста при возење и при влегување и излегување од автомобилот.[1]

Во случај на силно сопирање, приспособливите стоп-светла [1] можат да го предупредат сообраќајот назад и на тој начин да спречат судир одзади. Тие се вклучуваат кога ESP® ќе препознае итно запирање – во зависност од притискањето врз сопирачката и брзината на притискање.

GUARD 360° заштита на возило[1]соединува разновидни функции на заштита од кражба. Алармниот систем против кражба, заедно со онеспособувањето на клуч во итен случај[1], ќе ви овозможат да реагирате брзо. Функцијата за пријава на кражба ве известува преку апликација кога сте во движење. А, услугата за помош при украдено возило ја зголемува веројатноста вашиот имот да се врати доколку возилото ви биде украдено.[2]

Пакетот за заштита од кражба може да ви помогне да го осигурите возилото со активирање видлив и звучен аларм кога ќе препознае опасност од кражба. Тој се состои од алармен систем за заштита од кражба (ATA), заштита на внатрешноста и заштита од одвлекување.[1]

Воздушните завеси за возачот, за предниот патник и за задните патници нудат повисок степен на заштита од повреда на главата и лицето при посилен страничен судир, особено за патниците на страничните задни седишта.[1]

Во случај на страничен судир, страничните перници што се наоѓаат од надворешната страна на потпирачот за грб на седиштето, можат да ги заштитат градите и делот на карлицата, покривајќи го просторот меѓу вратата и возачот или предниот совозач. Тие ги надополнуваат челните воздушни перници за да понудат висок степен на заштита и на тој начин да ги намалат и опасноста и тежината на повредите.

Било да е на автопат или по нерамен пат, со воздушната суспензија AIRMATIC можете да уживате во особено удобно возење и унапредени теренски способности, па дури и во поспортско возење при повисока брзина.[1]

Суспензијата AGILITY CONTROL со селективен систем за придушување на нерамнините, ја приспособува амортизацијата според условите на патот и условите на возење. Таа постигнува добра рамнотежа меѓу комфорно возење и агилност, со менување на својствата на држење правец, придушување и стабилизирање, за тие да се приспособат на квалитетот на патот и на условите на возење.[1]

Спортската суспензија е проектирана за да постигне висок степен на возна динамика и ќе одушеви со своето круто нагодување, со агилноста што се чувствува и со динамиката во свијоци. Нејзините тркачки својства, што ја прават мошне погодна за долги патувања, значително се разликуваат од тие на комфорната суспензија, поради користењето амортизери што работат според фреквенцијата.[1]

Комфорната суспензија нуди исклучителна удобност во речиси секаква ситуација во возењето, исполнувајќи највисоки очекувања. Таа одушевува со својата ниска бучава од патот и малку вибрации од гумите и со леснотија ги придушува потресите од нерамнините по површината на патот.