Активни аеродинамични елементи се интегрирани во надворешниот дизајн: од дводелниот ВОЗДУШЕН ПАНЕЛ во AMG предната маска преку продолженото задно крило до електричниот аеродинамичен профил што се протега под моторот и задното крило. Овие димензии имаат за цел балансиран сооднос на мал отпор на воздухот и тргнување со намалена моќност.

AMG DYNAMIC PLUS пакетот се залага за врвно уживање во возењето и врвна агилност. Комбинира многубројни компоненти со високи перформанси во атрактивен пакет што ги содржи клучните елементи на специјалната опрема за дополнително подобрување на динамиката на возење. Сето ова придонесува за уште попривлечно емотивно возачко искуство. Електронски контролираниот AMG-диференцијал со ограничено пролизгување на задната оска, обезбедува извонредна влечна сила практично во секоја ситуација на возење.

AMG управувањето на задната оска ве води побрзо околу свијоците и го зголемува вашето задоволство при возењето. Во зависност од брзината на возилото, можете да уживате во особено агилни и спонтани карактеристики на управување како во возило со кратко меѓуоскино растојание или можете да возите со супериорноста на луксузниот салон со долго меѓуоскино растојание без напор на автопат.

Активниот асистент за одржување растојание DISTRONIC[6] го ослободува напорот на возачот и обезбедува поддршка како во нормален сообраќај, така и во сообраќаен метеж. Интелигентниот систем го контролира растојанието од возилото пред вас, ја приспособува брзината на возење кон она што се случува на патот и ја презема напорната задача на следење на опашката или на сообраќајниот метеж.

Имајте прегледност: сеопфатниот поглед од камерата од 360°, вклучувајќи виртуелен поглед од птичја перспектива, е импресивен и ви помага при паркирање и маневрирање. Благодарение на интелигентното вмрежување на четири камери, можете да видите и пречки на медиумскиот приказ што се, всушност, надвор од вашето видно поле.

GUARD 360° Plus пакетот аларми за заштита на возилото* нуди целосен надзор на околината на возилото. Благодарение на алармниот систем против кражба, како и на итно деактивирање на клучот*, можете брзо да реагирате. На пат, функцијата за откривање судир* ве известува преку апликација. Функцијата Помош за украдено возило*, исто така, ја зголемува можноста да го вратите вашиот имот доколку вашето возило е украдено.[7]

PRE-SAFE® системот за заштита при судир го користи времето пред претстојниот удар. Може да се преземат многубројни мерки за да се намалат оптоварувањата што се создаваат како резултат на тоа. Иновативниот PRE-SAFE® Sound генерира бучава од звучниците што може да предизвика природен заштитен рефлекс. Ова може да го заштити внатрешното уво со придушување на бучавата од несреќата.

Доколку ненамерно ја напуштите коловозната лента или опасно се приближите до другите учесници во сообраќајот, системот може да ве врати во вашата коловозна лента со помош на интервенција на управувачот. Ако сепак ја напуштите коловозната лентата, ќе следува дополнително предупредување во форма на вибрации на управувачот.[5]

Ве води до вашата дестинација со помалку стрес: благодарение на модерната интелигентна мрежа на сензорски системи, можете да уживате во многуте придобивки од делумно автоматизираното возење. Многубројни системи за асистенција ве поддржуваат како што налага ситуацијата, предупредувајќи ве доколку постои ризик од судир и интервенирајќи доколку е потребно – во корист на сите учесници во сообраќајот. [4][5]

Овој мотор на Mercedes-AMG воодушевува со својата експлозивна моќ што се развива со фино дозирана моќност. Турбополначите позиционирани меѓу главите на цилиндрите и трите водови за ладење претставуваат најдобро можно управување со температурата.

Опремен со најсовремениот целосно променлив погон на сите тркала AMG Performance 4MATIC+. Погонот на сите тркала променливо ја поврзува задната оска со предната оска и на тој начин гарантира идеална распределба на вртежниот момент и на влечната сила.

Благодарение на функцијата за подигнување на оската, можете да ја подигнете предната оска до 30 mm и на тој начин да ги заштитите дополнителните делови на предниот браник од оштетување. Ова може да биде корисно, на пример, кога возите преку рампи, на стрмни влезови и излези или кога паркирате. [4]

Вашиот Mercedes AMG веќе звучи неспоредливо страсно кога ја напушта фабриката. Со AMG звукот на вистински перформанси, звукот е уште поемотивен и можете да одредите како звучи турбо-моторот во внатрешноста. На централниот приказ можете да изберете помеѓу спортски и дискретен (БАЛАНСИРАН) или мотоспортски.

AMG SPEEDSHIFT MCT 9G нуди идеална поддршка за особено динамичен стил на возење и дава автентичен вкус на мотоспорт на секое патување. Брзо, спортско менување брзини или едвај забележливо менување, според избраниот режим на возење: 9-те степени на пренос обезбедуваат моторот особено често да е во идеалниот опсег на брзина.

Стабилност и агилност во едно: AMG ACTIVE RIDE CONTROL користи најсовремена електроника за да ги компензира ефективно движењата на тркалање. Суспензијата и управувањето реагираат многу прецизно на условите за возење и на коловозот. Имате корист од интензивната динамична AMG возачка сензација на управувачот. И патниците уживаат одлична удобност при возењето.

Со новиот проектор на лого, вашето возило ѝ дава на секоја површина вистински шмек.. Проекторот вграден во страничните прагови го проектира натписот „AMG“ на асфалтот за да ве доведе вас и вашите патници во вистинското расположение дури и пред да тргнете – апсолутно привлечна карактеристика, особено ноќе и во темна околина.

Со AMG Night пакет[6], избрани надворешни елементи се обработени во црна боја со висок сјај. Ова резултира со силни контрасти или течни транзиции, во зависност од избраната боја. Во двата случаи, можете да ја покажете вашата почит кон индивидуалниот динамичен дизајн со возбудливи акценти или самоувереност.

AMG Night пакет II[6] е идеален за поединци што ги ценат деталите за дизајн од висока класа. Дополнителните елементи во црн хром, какви што се решетката на ладилникот или Мерцедес ѕвездата одзади, го трансформираат вашиот Mercedes-AMG навистина да паѓа во очи.

Со пакетот AMG Хром [6], вашето возило изгледа особено елегантно и благородно. Дополнителните елементи во хром со висок сјај ја нагласуваат елеганцијата и создаваат контрастни или комплементарни акценти во зависност од бојата на возилото.

Добијте максимум од вашето возило: со AMG Пакетот за аеродинамика[6], можете конкретно да го засилите изгледот, а истовремено да имате корист од подобрените карактеристики на возењето. Сите елементи од пакетот ја зголемуваат надолната сила и на предната и на задната оска.

Црно обоените шепи на сопирачките[4] служат за да се нагласи моќта на системот за сопирање. Тие имаат особено висококвалитетна привлечност што ги прави спортските аспирации на возилото очигледни на прв поглед.