Новиот Citan одлично ги комбинира компактните димензии на возилото (должина 4,498 мм) со дарежливата просторност. Благодарение на бројните различни опции и практичните детали, се нудат разни можности за користење, товарење. Citan првично се воведува како товарна и патничка верзија, а подоцна и во различни варијанти со долга оска како и Mixto верзијата. 

Лизгачката врата е корисна опција, особено кога постои мал простор за паркирање. Новиот Citan достапен со 2 лизгачки врати. Овозможуваат широк отвор на двете страни на возилото и изнесува 615 мм. 

Висината на отварањето на товарниот дел е 1,059 мм. Во задниот дел, делот за утовар е лесно достапен, висината на прагот од задната врата е 59 см. Исто така, задната врата може да биде блокирана под агол од 90 степени и може да биде придвижена до агол од 180 степени.Како опција, товарното комбе може да биде нарачано со задни врати кои имаат грејачи и бришачи на прозорите. 

Патничкото комбе е стандардно опремено со пета врата со прозор на задната врата. Како опција, може да се нарача со две задни врати. Задните седишта можат да се соборат одделно во сооднос 1/3 и 2/3. На располагање се бројни празни места и полици наменти за складирање. 

При развојот на Mercedes-Benz Citan, особено внимание е посветено на удобноста што е типично за оваа марка, вклучително и ниското ниво на бучавост кое е пример за останатите. Сево ова не им помага само на возачите да се чувствуваат удобно, туку му помагаат и во однос на безбедноста, на тој начин што можат повеќе да се фокусираат на сообраќајот. 

На располагање се 3 дизел и 2 бензински мотори. Сите се одликуваат со одлична ефикасност, добри возни својства при ниски вртежи на моторот, како и потрошувачка на гориво. За поголемо забрзување, на пример при претекнување, дизел верзијата со моќност од 85-kW достапна кај товарното комбе има зголемена моќност и вртежен момент. Дури до 89 kW моќност и вртежен момент од 295 Nm можат да се добијат за многу кратко време.

Моторите ги исполнуваат Euro 6d стандардите за емисија на штетни гасови. Сите мотори се во комбинација со ECO старт/стоп функцијата. Освен со 6-степен менувач, кај моделите со најмноќните дизел и бензински мотори, на располагање е 7-степена трансмисија со двојна спојка.

Целосно електричната верзија eCitan ќе биде лансирана во втората половина на 2022 година. Овој модел се очекува да има автономија на движење на струја од околу 285 км.

При користење на брзи полначи, 80% од капацитетот на батеријата може да се наполни за 40-тина минути. 

Новиот Citan е компактемн џин: изненадувачки простран за компактен простор и целосно опремен со иновативна технологија. Затоа е сосема природно да има вистински џин покрај себе.

Запознајте го Hafþór ‘Thor’ Björnsson, кој е висок 2,06 метри, и тежок 155 кг. Тој во својата кариера бил кошаркар, и 10 кратен првак како најсилен човек на Исланд. Тој е познат и по улогата во ТВ серијалот „Game of Thrones“.